No ho, aquí ye distinto porque..home, somos serios.Ya sé, ya sé, anden por ahí algunos chigres que, si te despistes, faltes un par de semanes a que te bendigan, y nun ves una cara conocida. A mí, que quies chico, nun me gusta, y dame que pensar.
Qué se yo, que se anden trayendo entre manos, que si esti nun val, que si al otru gusta-y beber más de la cuenta, que si el otru charra más aún, que si ye un puteru, que si anda surniando, que si nun-y aguanta una perrona en bolsu..
Al final siempre comenten que ye difícil encontrar xente buena..coño!, pues no los dexes marchar, porque si después de doce años con unu, vas decime que echástelu porque era más bobu que el que fichó a Carrasco pal Oviedo, pos nun te entiendo, ¿y díceslo ahora?
Sí, sí. Y tamién al revés; si marches después de trabayar pal otru una pila años y espantes contando que allí, marchaben los clientes pasando más fame que nel Coto cuando era cárcel, pos tampoco me fae gracia.
Mira, yo creo que el porqué de tantu traxín de personal nes sidreríes tien explicación na mesma sidra. Verás, como la manzana ye un cultivu veceru, la vecería o alternancia, tien su vivu refleju nestos negocios, unes veces espolleten que se maten y otres veces andes filau, pones el menú con el caldu gordu. Tu oferta y mi demanda, parriba y pabaxu, el chin y el chan, como Cangues, con sus picos y sus valles ¿entiéndesme?
Y claro, cuando se xunta la escasez y les ganes de beber, que son siempre les mismes o más aún, pos hay que recurrir a la foránea, así de sencillo chico.
¿Que si pasa con toes les sidres? mira, voy dejátelo bien claro, y de una vez por toes, la sidra ye asturiana, el saragardu ye vascu y el vino de mazá ye gallegu, ¿Oístime? home que ya ta bien!
Ah! Que te referíes a la seleccioná y denominación de orixen..
Je, je..ofusqueme hom.
