Pregúntame un collaciu que cómo tenemos el tema pa cenar. Mira, aquí tenemos una máxima, nun pasa nadie al comedor sin parar na barra. Estudiais la carta, bueno, el sobre, que diz Piluca que lo nuestro no da pa pone-y sellu, preguntais les dudes y sentaisvos sabiendo lo que vais encontrar.Como chigre hay lo que hay, vamos, lo de Asturies, lo de la temporá, siempre, nun falla, fabes sin pelleyu, les berces que nunca van tar torpines, les cebolles piquiñines, los nabos de premiu en Sotrondio, y los callos..bueno, tolérote lo de les patates, pero porque a mí tamién me gusten, je, je.
A partir de áhí, pimientinos rellenos, chipirones en cazuelina, calamar sin pidriguí, pixín, algún langostu, ah! y navayes toledanes, llamámosles asina porque traénosles Gregorio, pero aquí tos lu conocen pol Greco, y claro.Pero lo que nun pué fallanos nunca ye el platu estrella, huevos fritos, patates y chorizu, tantu al mediu día como pa la cena, eh? Y de postre frixuelos o arroz con leche requemau, nun hay más, pero recién y de casa, llueu un cafetín y pal chupitín tovía y da la casa. Si quies fumar una estaca tampoco te voy mandar al reservao, nun te vayas pensar, pero bueno, eso ya ye otra historia. Oye, nun fae falta que vengas a reservar..pero avisaime con tiempu eh?!
