Antroxu ´08

Ya tamos de lleno nel carnaval.
La próxima semana ya la tenemos armá, así que nadie se despiste.
Esti añu preséntase de escadallu, vereis, tengo a Piluca, la guisandera, a to trapu, ye que ella ye muy antroxera de siempre. Como nun-y deje baxar al entierru la sardina..bueno nun imaxino lo que me pue facer, lo que sé ye que quedareme solu nel chigre, por supuesto, pero vien ella antes a adelantar trabayu. Mira si ye carnavalera y folixera que mandome unes fotos pal antroxu de esti añu de una charanga de la Calzada que se apuntó, y creo que estos van pa sacar premiu, tos allí en Begoña.
Mirai, estes van de Busgosu, Caperuciella, Campanina la de Peter Pan y de Bruxa Mala, mala


A ver si esti añu os animais, yo disfrazareme..de no sé qué, porque con tantu trabayu, nun hay tiempu pa ná, ahora bien, tienme XP algún mono por ahí que pa cascámelu y ponei un eslogan maju, nun me va costar na.
El añu pasau fuimos de Análisis de Sidra, claro con tantu CSI,y tanta prevención. El fallu fue que reservamos pa comer en una vinatería..claro, tábamos faciendo el análisis por dentro, je, je

(gracies a la páxina de terra y su, para mí ahora, prestigiosísimo especial de moda)

Encuesta

Bien, el resultau de la encuesta sobre picar algo pa evitar esos acelerones que nos arranca la sidra no dan lugar a dudes, el 23% lo defiende como método preventivu, curiosamente, la misma cifra para aquellos que prefieren seguir tomando un culete tras otru, tan sólo un 4% defiende la idea de establecer la clásica tapa na barra y finalmente la mayoría establecería un itinerariu donde se combinen el pinchu y la bona sidra.
Así todo, gorronos y gorrones tengo a Piluca encantá porque ella siempre pon cachonos de empaná y tortilla pa picar, que sale-y de concursu, y cuando a algunu ve un poco desmediu, oblígalu a meter uno y hasta dos huevos cocios una vez, pa que forre algo, eso sí, siempre con un poquitón sal y una gota pimentón.

Aquel hombre con aquella mangá.. qué Piluca!..

A vueltes con el calendariu

Diéronme esti calendariu perguapu ahí onde fui a preguntar lo de les vacaciones. Voy ponelu aquí, llau del teléfunu pa apuntar..je qué bien queda..¿no? Cagüen tal, tú con esi almanaque del Roxu..y ¿pa qué quiero yo los cuartos menguantes?, si tráxome Germi la tabla de marees de esti añu,mira.. el Musel, ahí ye na!..cuartos menguantes..
Voy ver si no me meto en problemes con la Fundación Muyer, que pónense guerreres por algunes coses que.., digo yo que si hubieren pillau al Griegu de la Venus de Milo dexábenlu na sebe. O la Maja? bueno con Goya prendíen-y fueu a la cuneta y to.
Oye, si estes mocines ficiéronlo con ganes y voluntariamente, ¿porqué nun lu voy poner?. ¿Contra la su dignidad yo? ¿Por ponelu? ¿Y contra la de toes les muyeres? venga ho! y de esi que tienen na cocina del Vázquez ¿nun dices na? claro a mí nun me molesta pa na, y tú nun quies ni velu, no si..
Joder qué liu me tas montando ahora con lo de diferenciar entre el arte y los fines propagandísticos. ¿Y cuándo fue Gervasio el cuerv..estoo el cura, a ver aquelles iglesies pa ver si copiaba algo y conseguía subir un poco más la audiencia del domingo? ya, ya..
Uy!, un poco más y pásaseme, díxome Piluca que-y marcara lo del entierru la sardina, que nun lu pierde aunque nun pueda con el alma.. Cagüen, nun hay manera de apuntar con estos numerinos de na. Ya sé, ya sé, oye! nun me rompas encima eh?!
y trae pacá esi de les grúes...

¡Qué numeronos!.. ¿eh?

Chigres 5 culines

Voy dedicar aquí, en petí comité nel chigre, un apartau dedicao a los chigres que lleguen a lo que entenderemos "5 culines" ni unu más, ni unu menos. Serán otorgaos por muy distintos motivos, desde el buen hacer hasta el detalle de calidad que pué caracterizar un chigre, una buena porra con 50 apostantes pué ser ya algo significativo. Diferenciamos estos de los de la calidad de aquellos que abrumaben con estrelles de les que daben les ruedes del Alonso y demás artificios varios. Aquí al granu, convengamos, que llueu llevámonos a engañu.

Arriba tais viendo la placa que van lucir na entrá, yo ya tengo una, pero autocondecoreme porque nun sabía como tapar un butrón que me fizo el vecín pa instalame no sé qué sistema antifumu que ni funciona, ni funcionó.

Vaya en ello un cálido homenaxe a Cheers, que de sidra nun sabrien, pero de lo demás..tampoco.

El chigre

Voy ir dando, pa empezar, la bienvenida a esta, ya, su casa.

Como tovía tamos en obres, ruego disculpen les molesties, perdonen los posibles incovenientes o faltes, y sean benevolentes con esti anfritión de tan poca monta.
Ya tenía yo ganes de meteme en algo, pero no me animaba, así que un buen collaciu, que si fuera de correr como de saber, taba de tipu finu finu pese a los barreños cerveceros que toma entre comides, diome ejemplu. Dábame algo de reparu, confiésolo, pero díxome con la resignación irónica de la sabiduría, -"competencia, a mí?! nun vas facemela tranquilu, al contrario, más xente traeremos el unu pol otru" -así que autodisculpeme, -"convenciome", -pensé, y aquí tamos.

Taba buscando algo en alquiler, y claro, con lo caro que ta to, y tal y como tan les coses, casi vas pagando la hipoteca al igual que visites a la casera, y díjeme yo pa mí, oye, metémonos, que trabayándolo un poco y con un pelín de suerte, nun tien que haber problema, y si toca apretase, pos apretámonos (que de eso se trata). Hay que remozalo un poco, claro, pero de momento abrimos, y ya lo iremos viendo según vayamos tirando. ¿Que qué vamos tener? Pues bueno, trataré nesti bló, de faceme ecu de algunes de les perreríes que acontezcan a lo largo desti añu que ya se nos echó encima, ecu de fiestes, verbenes, rises y miseries que deben llenar esti 2008, que de to tien que haber, pero de morise algo más tarde, coño! que sea por habela vivido.

Así que como no, tendremos charleta sobre les virtudes incuestionables de todo a quello que rodea a la bona sidra, que ye toda, aunque a veces..
Pondremos na mesa to lo que va desde el pomar tal chigreru, tal ye la pretensión por donde se mueve esti intentu, claro que en sobremanera se tratará de ensalzar la labor de aquellos que nos endulcen, o al menos nos faciliten les coses, pero por supuesto tamién y en contrapuntu, nun podremos dexar pasar a aquellos que, por no ser menos prosaico, den (como tanto dan) pol sacu.
Sin más, un saludu, bienvenidos, que queréis.. ¿un culín? ta echo.