Ando preocupau, tuvo fae unos díes por xixón un rapaz de once años que ya ta en la universidad.El foriatu, americanu de los del norte, ye músicu, un virtuosu del piano. Una pena, pensé yo pa mí, total de piano..!, yo albergaba esperances de que quisiera facer un doctorau en tocar la gaita, pero no..
Paez ser que además de tar aprendiendo mandarín, cosa que no me cuadraba pa andar el rapaz por estes tierres, UNICEF nombrolu embaxaor de bona voluntá. Jodímosla!, verás la que se va armar. Porque aquí ya pué venir Woody Allen, Mandela o Steven Hocking, que la mayor afición rexional ye hacelos pasar a todos pol aru. Bueno, ¡polos aros!, pero los del tonel.
Nun perdemos ocasión de mostrar lo mejor de cada casa, y como bien sabemos lo que tenemos, de entre la más arraigada de las costumbres, destaca la de reogar
al visitante con una buena dosis del oro líquido rexional. Y toes les noches nochevieja y toes les tardes carnaval. Como pa una espicha, quiera o no el ilustre, ilustrado o ilustrísima de turnu..y sino, ya nos les apañamos, cuenta la leyenda que unos desaprensivos astures engañaron al Papa di Roma haciéndolu consagrar un tonel de sidra, y llueu salieron-y con que, "uyyyy, que va, ye que fae po lo menos 18 años que no nos confesamos, y claro, ahora, qué vamos facer con esti tonelín papa!".
Y venga, alpiste pal canario, o pa la columbae mensaxera Ratzi, hala, hala; que con unes patatuques, unos choricinos, esti carru de pelón del musel y unes cantaraes pásasenos la tarde ta la misa gallu nun pispas..verás, verás. Y claro, acabaron el señor presidente del negociu episcopal, dos altos prelados, con Varela y Osoro poniendo el gritu nel cielu y quitándose la pallabra pa justificar lo xodío de los fundamentalismos islámicos, que si dónde vamos llegar, patín y patán, y mientras: "afloja, afloja otru culete que tengo atravesá una espina del pixín, que..", ya, y el otru que si el chumichurri pica, y todo así a falta media hora pa la misa.
¿Y cuándo comenzó la homilía?, madre la que se lió, imáginate, na más empezar, y después de tantear los tres peldaños del púlpito, llegó el oficiante con que-y dejaran sentase un poquitín, que paecía que venía algo entrompicau porque algo-y sentó mal. El Obispo con una medio mueca justificándolu con la pila curves que hay ta Covadonga, pero na, aquello que nun colaba y la jerarquía que se pon a metese con el que oficia a risotaes y a micru abiertu, entre culete y culete, -"menudu trapu na llingua nos trae, ¡a tí lo que te pasa ye que sabes falar patrás, satanasón!" -"Mira, mira como utilizo la mitra de nomechisques, agarra por ahí que vamos facer el baile del limbo, que el otru, el que taba entre el purgatorio y el cielo ya te encargaste tú de cerralu a cal y cantu, así que pilla, pilla por la orilla el báculo, agárralu por ahí que vas ver como doblo, con sotana y todo".
Y na, la xente, que de comedia sabe más latín que tos ellos xuntos, que empezó a animase, ensayando pa facer la ola, el acólitu de turnu compinchau con el de la megafonía cambiando los salmos por la del acordeón de Los pajaritos, el cura del pueblu diciendo que esa que sabía bailala, y calentando a Rouco que ya taba faciendo-y unes peticiones al monaguillu.. na, que al final acabaron organizando desde la basílica puerto pa´rriba una coreografía con la del Coyote Dux que pa qué.
Y pa pone-y el broche final, tropiezu del Papa a la orilla del lago Enol, que iba a abrir les agües porque estaba envalentonau, y puso tan llena mierda la túnica que en vez de Gandalf paecía Batman, y pa ver si se-y quitaba decidieron con les Clarises metese tos en la pipa sidra a modo de tropezón y que la xente bebiera como si fuera sangría.
Qué cuadru madre, qué cuadru, el sínodo más concurrido de la historia.
To esto no transcendió, porque nel fondu, nun ye ná que nun pase nuna buena boda de la cuenca, o de les de postín por Vetusta, que también les hay.
Ya sabeis, si toca boda y va con misa, mira ver si te enteres desde el chigre que se ta cociendo en la homilía.
¿Qué te taba yo contando?.. Ah! lo del chaval, si hom. Pues ná, que al final lo que me preocupa ye que a ver si el rapaz va a venir de embaxaor de bona voluntá y acaba marchando cagándose en la madre que nos parió, y que cada vez que ande pol mundo como embaxaor, nun se acuerde de nosotros.. pensando en verde.
