Diéronme esti calendariu perguapu ahí onde fui a preguntar lo de les vacaciones. Voy ponelu aquí, llau del teléfunu pa apuntar..je qué bien queda..¿no? Cagüen tal, tú con esi almanaque del Roxu..y ¿pa qué quiero yo los cuartos menguantes?, si tráxome Germi la tabla de marees de esti añu,mira.. el Musel, ahí ye na!..cuartos menguantes..Voy ver si no me meto en problemes con la Fundación Muyer, que pónense guerreres por algunes coses que.., digo yo que si hubieren pillau al Griegu de la Venus de Milo dexábenlu na sebe. O la Maja? bueno con Goya prendíen-y fueu a la cuneta y to.
Oye, si estes mocines ficiéronlo con ganes y voluntariamente, ¿porqué nun lu voy poner?. ¿Contra la su dignidad yo? ¿Por ponelu? ¿Y contra la de toes les muyeres? venga ho! y de esi que tienen na cocina del Vázquez ¿nun dices na? claro a mí nun me molesta pa na, y tú nun quies ni velu, no si..
Joder qué liu me tas montando ahora con lo de diferenciar entre el arte y los fines propagandísticos. ¿Y cuándo fue Gervasio el cuerv..estoo el cura, a ver aquelles iglesies pa ver si copiaba algo y conseguía subir un poco más la audiencia del domingo? ya, ya..
Uy!, un poco más y pásaseme, díxome Piluca que-y marcara lo del entierru la sardina, que nun lu pierde aunque nun pueda con el alma.. Cagüen, nun hay manera de apuntar con estos numerinos de na. Ya sé, ya sé, oye! nun me rompas encima eh?!
y trae pacá esi de les grúes...
¡Qué numeronos!.. ¿eh?
5 comentarios:
Qué mes más guapu ye xineru!!!
Con esi calendariu tas dando una prestancia a esti chigre que nun veas...Lo único que con nenes así de guapes les otres fotos pierden un poco... Esa de la plantilla del Sporting de la temporada 79-80 ta descolocá: Ferrero, con sonrisa picarona, guiña-y un güeyu a Quini mientres señala pa la moza. Rezza y Maceda nun dexen de mirala y Jimenez, más tímidu, fixa la mirada al frente pero de soslayu llanza una güeyada, como faen les vaques lladrones col piensu los caballos jejejeje
Haiga salú y mete una a enfriar que hoy llevote la propaganda que me dio pa ti el de la cerveza
ostia Manin, dexote aquí unos enllaces que igual te presten y que tienen que ver col guapu mundu de la sidra.
Estos son los del Ensame Sidreru, los mesmos que te dexen nel bar la revista esa de "La sidra" que algún llistu siempre arrampla con ella pol morru jeje. Aunque meyor asina porque total nun la lee ni dios y siempre queda, manchá de grasa , debaxo los númberos atrasaos del Marca, de la Interviú o peor tovía, del Quemedices esi que agora-y da por comprar a Pili y col que se entretienen ella y Zulima, la ecuatoriana, cuando nun tienen llabor na cocina:
http://lasidra.net/
Esta nun ta mal:
http://www.lasidra.info/index.php
Esta ye bastante peor que'l tu chigre.Ye hasta chabacana
http://www.sidreria.com/index.asp
La de los llagareronos:
http://www.sidradeasturias.es/
res800/es/historia_sidra.html
Y la más técnica de toes:
http://www.serida.org
/publicacionesdetalle.php?id=01529
Esta cabera, leíla l'otru día y fizome gracia la expresión esa de "turrín" pa nomar a una de les característiques nun deseables na sidra. Acordeme d'esa famosa tuya de "Palu Gallineru" y creo que había que recoyer firmes pa que la incluyeren jejeje
Un sitiu interesante que puede llegar a ser míticu
www.cofradiadelcachopo.es
Me cagüen tal!
Vives en la antesala de la noticia, tuve echando-y un vistazu ayer que me lu tomé de descansu na barra, pa ver la competencia..qué quies, vengo un tantu desmoralizau, pero yo voy seguir en mi estilo.
Daben nel clavu al comentar, sí que ye chabacanu eh? je,je
Voy seguilos en profundidá pa actualizame.
Qué bien diste con la foto del Sporting,voy pega-y un fregao, que tengo de puercu el cristal que a Cundi ni lu veo.
Vas venir a cenar o qué? Toy liau nel trabayu, así que nun me rondes que..
Ya vino el de los barriles, sabes? quedeme con un grifu San Miguel, no se qué de excelence o premium..nun ye pa espalmala ni fae esi vasu color paja, pero ta buena buena.Nun me digas na, pero después de tantu tiempu tomando a escondielles los culetes, ahora préstame a última hora echame un campanín, mirando pa esta pared que parez el Hall of Fame esi Jolibudiense.. Pasillu la Fame, je, je
(Voy echame un campanín..)
Publicar un comentario