Nun te creas artista, que yes Favila na pista

Sí, yo te lo pregunto sí, y poesía yes tú. Pero to un poemariu.
Si en algo muestres opinión ye desde el fondu la barra con lo de "eso ye como lo que ocurre aquí", vamos dos capotazos al aire y metíu en lidia otru lodazal. Y como pongas la montera a toda vela pal Nordeste y la mano descansando en la pechera ya no hay orden ni conciertu, Xose Ramón Buenaparte.
Verás, primero baxes pegando glayíos, que pa cantarines los de aquí ca vez que se xunten, al son del repertoriu popular, baxaben cuatro Alleranos pacá, que si Pixuetos del alma, que si el Carmín de la Pola pallá.
¿Cómo que si yo no les sé?, home perderémelo, si dices que eso ye lo de verdá! Ya veo, ya veo, no si pué ser que cuelgues un par de perches con esi pelleyu. Ya.
Pero llueu en la intimidad, cuando sales andando patrás del chigre diciendo adiós, cuando se apaguen les bombielles y se enciende el neón, cuando cambies el regustín de la espita pol MG cola. Ahí, ahí.. ¿qué ye lo que te pide el cuerpo Macareno?
Coloqueste despistadamente frente al roperu y veste pasar, a ver, a ensayar la cara pícara y tontorrona que ya te anda sonando esi móvil que más bien paez el bancu pruebes de la gaita de Hevia, un últimu vistazu y pa marchar pin pan, un par de tirinos a esi frente al espexu, tope gama, apaga y vámonos, que ya tas pa cortar el hipo. Y la mayonesa.
Páseste lista, el cuellu la camisa picando parriba, el plumón que te queda tras el cartón bien tiesu, bien modernu, pecho paloma y si tienes rebaxau el felpudu mexor. Ya cambiaste el chip, que coño abondu collaciu, ¡demasieeé tío!.
-"Ya empiezo a saludar por la calle, hu, potente tío, ahora ¿pa onde luzco escaparate? pallá, pa unu que tenga pista, a buscar cordera, que Pacón sí, pero con sexa-pili. Aquí llega un asturianu auténticu, qué coño Felpeyu..venga! pal pub de moda, que ponen música que mola y aquí echo unes piecines que quiten el sentíu. Y hoy pillo, sí o sí hom, que llevo los calzonciellos DG de combate que pillé na Feria. A bailar, a dar vueltes, patim, patam, y ahora mira lo que hago, improvisao.." -sí, después de fundir los cabezales del vídeo y acabar les piles de la radio la mesita tu pa, tanto day palante y patrás al movimientu más de moda junto al de la grulla nel 80 y el retuerque bisbaleru veinte años después. Te jode, tovía tienes la cinta atascá, y la mesa centro con cuatro pescozones, que no hay que ser del CSI, viendo los cardenales que te amorataben la espinilla na playa.
-"Y venga, y dale, y otru paseu al bañu, otru par de tirinos al espexu, pero estos, pa depilar les narices, da-y Jose Ramón, que lo demás tierra conquistá, un asturianu, pero de verdá, y mañana fabes con amasueles en Tazones, que coño, venga!
Directu pa la pista que me ta mirando aquella que era la alegría del viaxe de estudios, y pachín y pachán, y mira esti pasu, mira como tranco con les piernu..ques, coño, que me mato con lo bien que lo tenía ensallao, como si llevara un tampax y pudiera facer cualquier cosa. Y venga, otres tres copes, el goterón na frente como el Angliru con la bici paseo, pero na. Y dale. Qué coño investigación, artículo pa la sidra, cursu de escanciau, seriedad y formes si ya casi acabamos a hosties na cena con la "b" de Valdornón, que más da! y venga, ups, otra vueltina, y como me enchufen la de Victor Manuel quedo solu, que hago una versión nel sing-star, que no hay espaciu ni en la panorámica pa los bonus, grabo nombre y me tira una semeya, esta, la que tengo nel móvil, pera que te la enseño, ups, a tomar pol culo el i-pod. Demasiao, y ya, si aquí echaran sidra la rehostia, oootru culete, venga, y aaaasucar... era broma guapetona, otru calderu MG, eh! en vasu sidra, que hay que mirar pa lo nuestro chata, que tas de premiu, mírala... oooole, qué José Tomás ni que, venga y tú ponte lo que quieras pibón, grrrrr... pa comete, ¿mandete parar? que ye to hielu muyer, eeeechayyy pabaxo, ¿quies el mi teléfono? pues vas buscándomelu cuando cierres, y pon, pon-y volumen a esti temazo neña, que pa Chayanne aquí el menda chalanera, pasito palante María, otru pasito patrás..."
Pa medalla.

Por cierto, el otru día también os contaba la denuncia que puso un Diañu a un cofrade la sidra por agresiones. Aunque el denunciau alega ahora demencia transitoria, sutil terminoloxía pa facer lo que te venga en gana después de tomar una caxa sidra y echar mil pitos; lo que más me chocó de to esto ye que muchu Trasgu, muchu Diañu Risón, pero la denuncia en perfecto castellano y sin faltes de ortografía. Que conste que no-y dexaron de otra manera.